اعلان اول الصفحة

header ads

الشاعر وليد النميرى

 مصر يا أعظم من أغانينا

مصر يا اعظم من اغانينا
مصر يا وطن عايش فينا
مهما عنك قولنا وغنينا
حبك اكبر من حكاوينا


ياللى حضارتك للكون شمس
ياللى تاريخك علم ودرس
دانتى القائد بكرا وأمس
ههتف باسمك صرخة وهمس

مصر يا أعظم من اغانينا
مصر يا وطن عايش فينا

مصر ياقصة شقى وكفاح
تتسطر دايما بنجاح 
مصر يا فاس فإيدين فلاح
مصر يا جندى فإيده سلاح

مصر يا اعظم من اغنينا
مصر يا وطن عايش فينا

ياما كتير طمعوا فى ثرواتك
واستسلموا قدام قدراتك
عرفوا ان السر فى امجادك
صوت عشقك فى قلوب اولادك

مصر يا اعظم من اغانينا
مصر يا وطن عايش فينا

عشتى يا مصر فى كل زمان
يا وطن لجميع الاوطان
باقية يا مصر رغم الاحزان
ياما قهرتى كتير عدوان

مصر يا اعظم من اغانينا
مصر يا وطن عايش فينا

تحياتى
الشاعر وليد النميرى

إرسال تعليق

0 تعليقات