اعلان اول الصفحة

header ads

الشاعراحمد عبدالحق


قولي ياشاعر


انت ايه ...!
احترت فيك
مره بحس خوفك
ومره قاسيه حروفك
مره احس ضعفك
وزي البحر تقلب
احس في لحظه غدرك
امانه عليك ياشاعر
ريحني وقولي ليه
انت ايه ولا ايه
بحنان بحس حرفك
فنان ولقبه شاعر
رسام وبريشه طايره
بترسم المشاعر
في لحظه غصب عني
احس ان انت ساحر
وساعه بحس طيبتك
احترت والله فيك
ساحر ولا انت شاعر
تواضعك ده طبيعي
ولا انت في الاصل قادر
ولا ياخوفي ياحيرتي
تطلع قادر وفاجر
بجد احترت فيك
وعندي مليون سؤال
انا ليه مشدوده ليك
وديما حاسه بيك
وديما لماتغيب
بتروح مني روحي
واتحجج بالنصيب
وقلبي مع انه جامد
وساعات بوهم نفسي
باني احساسي بارد
واوهم كل الدنيا
بان غيابك عادي
زي حضورك..عادي
واستحمل غصب عني
واتباهي بانه عادي
وازود في عنادي
اشتاق لحرف منك
او لمسه رقيقه منك
والله بقولها خالصه
مقدرش استغني عنك
بس احترت فيك
والله هموت عليك
بحبك في كل حاله
في الاخر انت قدري
وانا حته منك
انا مكتوبه ليك
الشاعراحمد عبدالحق

إرسال تعليق

0 تعليقات